وسط ظروف البلد

(وسط ظروف البلد الدايرة رايحة لفين أهي ماشية وسايرة كل الناس قلقانة وحايرة وأنا متصان فيها ومطمن)2

(أخبار قتل وموت وجريمة والأمان بقى موضة قديمة والإنسان أصبح بلا قيمة وأنا بدم يسوع متمن)2

(ضربة من ضرباته زمان صارت الضلمة في مكان وبيوت شعبه في نور وأمان قلبه على شعبه بيتحنن)2

(مين يمسكها ومين يرأسها لو حتى هيعيد تأسيسها مش هشغل بالي ولا أدرسها ولا هفضل أفكر وأخمن)2

(هو بإيده ماسك الدفة وماعندوش أحداث بالصدفة مهما عدو الخير يتخفى الترتيب من فوق متزمن)2

(هو نورى وخلاص لي هو حصنى فى طول ليالى مين يوذينى ويقوى على لو حتى فى هلاكى يفنن)2

(يعزل ملوك وينصب غيرها والأزمنة هو يغيرها لو قال كلمة مين يكسرها واللي يفكر يبقى اتجنن)2

(بلدي مباركة دا صوته ووعده وقت الضيق هيعدي وبعده جاي المجد بفرحه وسعده واللي مصدق وعده يأمن)2