كلمات ترنيمة : قشة وقشة سابوا العشة
قشة وقشة سابوا العشة راحوا لمزود مش مشهور
بكوا وانكسروا لما افتكروا أبدا مش هايجيلهم دور
بس في ليلة جميلة عجيبة سابوا الضلمة وشافوا النور
شاف القش يسوع متجسد نونو في المزود محطوط
قاموا واتنطط نام واتبطط علشان يبقى سرير مظبوط
فرش وعرش ومين كان يدرى إن الفرح عليه هايدور
أصل يسوع دايما بيدور على اللي حزين والناس ناسياه
واللي مفكر إنه مكسر ومافيش أبدا فايدة معاه
ييجي بذاته يسوع في حياته تصبح غالية وحلوة معاه
كلمات: مجهولاللغة: العربية