كل أموري أنت عارفها
القرار
(أنا ابنك أنا ملكك)2
(أنا ابنك وأنا غالي
انا ملكك وانا بين ايديك)2
الأبيات
البيت 1
كل أموري إنت عارفها
كل ظروفي إنت شايفها
مش محتاج اقولك
كل أسراري إنت كاشفها
البيت 2
انت عارف اللي في قلبي
انت كاشف فكري يا ربي
دي حياتي انت شايفها
ما في شيء عليك متخبي
البيت 3
لما الأحباء ينسوني
والأصدقاء يتركوني
ألاقيك إنت جنبي
تمسح لي دمع عيوني
البيت 4
كل حاجاتي إنت بتعطيني
كل حياتي بلاقيك تراعيني
ولما بانده لك
في ضيقاتي تسرع وتجيني
البيت 5
اتعابي وألمي مش هايطول
عن قريب ضيقاتي هاتزول
لما تجيني يا حبيبي
هانسى كل آلامي وأقول