قلبه حنين
القرار
(سر حياتنا ده هو يسوع
بنرنمها بصوت مسموع)2
(هو الكلمة وهو الله
هو بروحه عطانا حياة)2
الأبيات
البيت 1
قلبه حنين حبه يبين
ان صليبه ده كان تكفير
عن خطايانا مات وفدانا
نعمه غنيه وحب كبير
البيت 2
وسط المحنه بسرعه لمحنا
يسوع الحلو وجالنا قوام
قال في وعوده ان وجوده
تملي معانا امان وسلام
البيت 3
نادى علينا وبقى لينا مينا
ومرسى وشط وفلك نجاه
صرنا سفينه في يد امينه
تعلى الموجه ونعلى معاه
البيت 4
عين تحرسنا وايد تواسينا
وها يعدينا لحد سماه
مهما الغربه تبان لينا صعبه
ها ترسي المركب وها نلقاه