طال انتظارنا

هنا بنتمنى و هناك هنتهنى و نشوف المدينه اللى وصفها يوحنا

وننال العطيه و عز الأبديه هنا بالإيمان و هناك بالعيان

يا فرح قلوبنا لما نشوف فادينا على باب السما و بيرحب بينا

نعما نعما إدخلوا يا أولادى هللويا مجدا يا جمال صوت الفادى

ندخل الى المجد و أفراح الأبد ونشوف اللى ما شافه فى كل الدنيا حد

و بأيده الكريمه فى الحفله العظيمه ياخدنا من إيدنا و نبدأ الترنيمه

ونشوفه بعنينا و جماله يسبينا و هو بذاته يجلس فى وسطينا

ونعيش فى المدينه و حبه يكفينا لا شمس و لا قمر هو ينور لينا

مجد و كرامه للمخلصين يمشوا فى المدينه مين زينا مين

الله الله مجد ما ابهاه و إسمه المبارك على الجباه

والبحر الزجاجى عليه جند الفادى بترنيمة موسى الكل بينادى