سبحوا ليسوع الحي
القرار
(سبحوا ليسوع الحي
ملك ملوك الأرض فادينا
مالي قلوبنا فرح وضي
روح الله بقى ساكن فينا)2
الأبيات
البيت 1
(أسامينا على كفيه
وعلينا سهرانة عنيه)2
صرنا واحد نكمل فيه
بعده ما بيعوزنا شئ
البيت 2
(نصر وعز وفرح ونور
زايد في القلب المسرور)2
ليه بتدور ليه بتدور
هو يسوعنا وماله زي
البيت 3
(نسانا آلم الأهوال
ومعانا في كل الأحوال)2
تارك لينا حياته مثال
هو رئيس إيماننا الحي
البيت 4
(داعيينك يسوع تعال
وعلينا املك في الحال)2
شوقنا يا رب لشخصك طال
ده انت وعدت قريب جاي