سامعانا شايفانا فاكرانا - ترنيمة

القرار

سامعانا شايفانا فاكرانا مش ممكن ابداً تنسانا دى العدرا أم يسوع مولانا واحنا ولاده وبشفاعتها ترعانا

فى السما هى بمجد عظيم فخر وتاج للقديسين لكن طول الوقت بتطلب عنا دى أم وأحنا بنين

فى السما هى لكن شايفه ضيقة كل ابن وحيد متياس كان فى السجن مقيد جات وحلت الحديد

فى السما هى لكن سامعه صلاة وأنين بابا معظم أنبا أبرام أخرج هتلاقى دباغ ينقل المقطم

فى السما هى لكن فاكره تذكار ليها فى كل مكان فى الكنيسة تحضر وتشارك واحنا نشوفها إيمان وعيان

فى السما هى بس بتظهر وسط ولادها فى كل مكان تنشر وسط الأرض سلام وتثبتنا على الإيمان