كلمات ترنيمة : انت مين
وسط الظلمه انا ماشي بدور على النور في طريق طويل الكل قال عنه ممنوع
جنبي ناس شايفه حالي و ماشيه معايا ناس فهماني مش بتقول اني مجنون
لقيت حواليا الشر بيزيد عن كل يوم وليله لقيت الغش بقى طبيعي
والكذب هو الحيلة لقيت العنف اسهل حل لمشاكل كتيره
وانا ماشي في طريقي هموت من الحيره
طب انت إله عظيم ليه ساكت على الشر وانت برضو رحيم فين عطفك على البشر
عايز اسال الاقي اجابه ميقولوليش بعدين ده انا ف حيره من سنين
بيقولوا الشر مش من عندك لكن بتسمح بيه طب ازاي انا اصدق ومحسش بخوف
بيقولوا لازم أأمن في حاجات مش بتتحس وامشي في ظلمه من غير ما عيني تشوف
ازاي اتطمن على بكرا وانا محاصرني الماضي و اصدق انك عادل وانت بالظلم راضي
واللي عايش في الحرمان تقوله لازم نستكفي ازاي بتقول بتحبني ومعايا ف صفي
لو كل أمر بايدك وليك كل السلطان طب ليه في ناس بتضيع وتروح في خبر كان
مع صوت الصراخ بحس انك بعيد انا عايز اعرف انت مين قولي انت مين
(محتاج ردود لحيرتي لنور يبدد شكّي محتاج لإيد تتمد ليّ)2
قولي انت مين
كلمات: مجهولاللغة: العربية