العالم يبني ويزرع - ترنيمة

القرار

لكن انا مش من هنا دا هنا عالم فاني لا مال ولا جاه ولا غنى أنا ليَّ وطن تاني

العالم يبني ويزرع وتملي مش شبعان همه يلبس ويقلع وعن يسوع غفلان

شايل هم الأيام محروم من السلام وشكوى وكتر كلام من الضيق والآلام

واحد منفوخ ع التاني زي الحصان الجامح يعمل للكلمه معاني ولا يعرف مره يسامح

الناس بتجري وتكدح ورا سيد اسمه المال وزارع الشر ما يفلح دا كل شيء زوال

يبكوا ع الحظ الخاين مش جاي على هواهم عايزين في الدنيا جناين والعمر يستناهم