ياللي عرفت الرب يسوع

يا اللي عرفت الرب يسوع واتمتعت بنور إنجيله عالم كله أنين ودموع ليه حنيت لظلامه وليله

ليه دورت على الخرنوب والخير كله في بيت الآب فكر دا انت ابنه المحبوب وارجع للبيت والأحباب

حبك ضحى بنفسه عشانك داق الموت بصليب العار حضن الرب دا هو مكانك سيبك من مشي الأشرار

وبأعمالك كنت بتحزن روح الله الساكن فيك دايما تنسى إنك مؤمن رغم دا كله عينه عليك

عسل العالم عمره ما ينفع إيه يحصل لو دست عليه بس كلام الرب بيشبع عود لإلهك واشبع بيه

فرح العالم مش ها يدوم باطل كله وقبض الريح لكن بكره ها يجي اليوم وها نتهنى مع المسيح