ياللي رايح للقداس
الأبيات
البيت 1
يا اللي رايح للقداس فوق صحصح خليك فاكر
لازم توصل بدري عشان تحضر رفع بخور باكر
البيت 2
وانت داخل الكنيسه لازم ترشم صليبك
واسجد قدام الهيكل واشكر يسوع حبيبك
البيت 3
روح للايقونات قبلها وخد بركات القديسين
واقعد في مكانك هادي اوعى تبص شمال ويمين
البيت 4
ركز مع القرايات وبلاش تتكلم او تسرح
صلي بوداعه وخشوع عينك خليها على المذبح
البيت 5
قف بمخافه وقت الانجيل واسمع صوت الرب يسوع
بعدها وقت العظه خليك صاحي وركز في الموضوع
البيت 6
في صلاه الصلح نقبل بعضينا من غير خصام
ونصلي بالحان كنيستنا من قلبنا مش بالكلام
البيت 7
لازم كل المتناولين من بالليل مستعدين
من الساعه 12 صايمين تايبين ومعترفين