وسط الضغوط - ترنيمة | تطبيق الكنيسة

القرار

ويجُود ما هو الجوَّاد يِفيض بكلّ البركات وخِيرُه عمره ما بيِخلَصالزِّيت اهو كفَّانا وزاد واتحلِّت كلّ الأزمات ودقِيقُه عمره ما ها ينقص

وسط الضُّغوط هارنِّمها أنا مَحمِي في ستر القدير أتعلَّق بيه وأعلِنها مِش ها يِشمت فيَّ الشِّرِّير

تِرخَص تِغلَى مِش هاحتاج إلٰهي غني وانا واثِق فيه ومهما البحر مُوجُه هاج يِدِّيني سلامُه ويهَدِّيه

ولو قَفَلِت كلّ الأبواب اِدعيه يِجِي يِحضَر يتمجِّد وجوده يكفي في الصعاب عنده مخارج وبيشدِّد

والاختبار المَرَّه دي ها يكون أعظم من اللِّي فات وهُوّ سامع لصلاتي وبيصنع دايمًا معجزات

وانصُب أحجار المعونه دا ياما سندني بوعدُه واشكر رعايتُه الحنونه واشهد بصلاحه ويدُّه