وإنت معايا تنادي

وانت معايَ تنادي الأغاني وانت معايَ يسافر مكاني كأنه سفينة تاخذني إليك

وانت معايَ تضيع الثواني وانت معايَ تزيد الأماني في حب السكينة وانا بين ايديك

وانت معايَ تداوي جراحي وانت معايَ بالاقي ارتياحي دموعي الحزينة ماسحها بايديك

وانت معايَ تطمن خطاي وانت معايَ بتمحي الخطايا بدمك شارينا بانادي عليك

وانت معايَ يزيد اشتياقي وانت معايَ تدور السواقي وتروي مدينة زارعها بإيديك

وانت معايَ في أجمل حكاية وانت معايَ فصول الرواية بتحكي علينا وتحكي عليك