هونها وعدي الازمات

اسندنا ياربنا يا معين رافعين لك ايدينا علشان لمرحمك كلنا طالبين نجي قلوبنا من الاحزان

اللي لوحده مالوش اصحاب كل الناس بعدوا ونسيوه بوجودك ينسى الأتعاب انت حبيبه وانت أبوه

اللي مريض وعلاجه محال متألم مش لاقي دواه اول ما هاتؤمر في الحال هيلاقي نجاته وشفاه

اللي في ضيقة وقلبه كئيب من كتر الأوجاع مكسور جرحه بلمساتك هيطيب وهيرجع راضي ومجبور

اللي عليه ديون والتزامات ومبينامش من التفكير هتسدد له الاحتياجات وتعوضه اكتر بكتير

اللي بيبكي على اللي سابوه مش عايز يتعزى في يوم مين غيرك انت يقويه ويفرح قلبه المهموم