هانت هانت هانت - ترنيمة | تطبيق الكنيسة

القرار

ها نعيش على طول ويا يسوع في نهار على طول من غير دموع

هانت هانت هانت قربنا نشوف فادينا نتمتع بقربه وصورته تملا عينيا

بانت المعالم معالم المدينة افرحوا يا أحباء خلاص داخلين المينا

علامات السكة سليمة دا الأمر اللي معزينا مرحب بالضيق وأهلًا دا وعد الرب لينا

ياللي إنت تحت صليبك والحمل تقيل عليك انظر ليسوع حبيبك شايفك ومستنيك

يا مؤمن انفق واخدم واكرم يسوع من قلبك وهات وقتك م العالم واوهبه لخدمة ربك

دي خسارة لحظة واحدة تضيع في عالم فاني وكل لحظة أعيشها للي مات وأحياني

ماتغرينيش يا دنُيا ماشي وسايبك قُريب مهما كانت قساوتك ده الرب قلبه طيب