مين اللي يقدر يهدم
القرار
الا اللى وحده بكلمته كن فيكون
الأبيات
البيت 1
مين اللى يقدر يهدم حصار العتمة ويحولها نور
مين اللى يقدر يحمى السفينه ف قلب نوه البحور
يحى رميم النفس ويرجعها تانى
وسط كحيل الحزن يبعت الاغانى
البيت 2
مين اللى يقدر يوقف بارود الشر ويحل السلام
مين اللى يقدر يسمع ولو منعوا الغلابه من الكلام
يهدى الطيور فى العش لو ف الليل حيارى
يحبس خطاوى الوحش فى قلب المغاره
البيت 3
مين اللى يقدر يزرعها حبه ف وسط ارض ملاها شوك
مين اللى يقدر يبدل مصير النار وقلوب الملوك
يخلق من الاكل من الجافى حلاوه
ورسول محبه من اللى كان طبعه العداوه
البيت 4
مين اللى يقدر يملا الوجود ميحدهوش اى مكان
مين اللى يقدر يكسر فروق الوقد وحدود الزمان
يظهر بشر فى ارضنا انسان مثالى
وجوه نفس الوقت سكناه العلالى