مين اللي خلي للعمر معني
القرار
حبك سباني اتعلقت بيك
إزاى أعاني وأنا بين ايديك
فيك الأمان طول الزمان
فخور بأني انا ملك ليك
الأبيات
البيت 1
مين اللي خلى للعمر معنيى
إنت دوايا وإنت الطبيب
مقدرش عنك يوم أستغنى
وحدك حبيبي أعظم نصيب
البيت 2
كل السعادة لاقيتها فيك
شايف غلاوتي جوة عينيك
هفضل أحبك دايب ف حبك
أعظم حبيب مسنود عليك
البيت 3
تستاهل إنت تكون الملك
وعمري كله يسوع تمتلك
ينقص ما ليَّ وإنت تزيد
يسوعي وحدك مالك شريك