منتظرك ثبت خطواتي - ترنيمة

القرار

أفكارك لي سلام هتشيلني كل الأيام نفسي أقولك إني بحبك صدقني عجز الكلام

منتظرك ثبت خطواتي عمر ما وعدك لي خاب حقك دايما نور لحياتي قلبي يا ربي في حبك داب

منتظرك راح أشوف أمجادك تتحقق والحزن يزول يوم ورا يوم راح أعيش أعيادك فرحك جوايا على طول

منتظرك والرؤيا أمامي عمر ما عيني عنها تحيد روحك الصالح ماشي قدامي بالنصرة ويا التأييد

ع المحراث أنا حاطط إيدي وشعاري مبادىء الملكوت ويشرفني خدمة سيدي بجد باقولها بأعلى صوت

لا سدوم وعمورة بتحنيني ولا يبهرني نعيم نعمان دا وجودك في حياتي يكفيني خيرك فايض بيك شبعان