مع ابناء النور

نلمس حد احتاج يلمس لطف الله حبك يبقي علاج من اللي داق شفاه

تجبر المكسور بإيدين فينا ليك والغرقان في بحور يأسه يشوفنا يديك

نجري نروح للضال بقبلات الآب يرجع لك متشال علي كتف بلا عتاب

والمطرود من راعي همه حروف ومكان هاته بخادم واعي يحتضنه كإنسان

والمطحون في بلاوي فقر وجوع مخيف خليني أكون ناوي أقسم له الرغيف

الملحد مش عايزيسمع تاني نقاش نِفسه بدون واعظ يلمس حق مُعاش

ارحم بالتائبين نفس ناوية تتوب واستر بالراحمين المتغطي ذنوب

أطلق بالأحرار أسري ومسبيين وخلص من النار بصليب الأمين

ابعت واحد يسعد اللي بقي له سنين نفسه يشوف ناس تعبد بإسعاد الحزين

النفسية احتاجت حكماء روحيين يعبروا بينا ساعة الظلمة مضيئين