مسيحي حلو ويتحب

مشى لى من السما للأرض بحب ماله طول ولا عرض وأخلى نفسه وترك المجد ورضي ياخد صورة العبد

في بحر حبه رمى خطاياي وملا قلبي أفراح يا هناي كبعد المشرق عن المغرب أبعَدها والعدو لا يقرب

وإنت يا رايح قول للجاي مسيحي يغفر كل شيء زكا والخاطية وكل أثيم نالوا الحياة دخلوا النعيم

من غير ما تتعب وتدوَّر إن كنت عاوز قلب منور مافيش غيره هو النور ويغسل كل الشرور

يا هناه اللى يعيش وياه ويتبع آثار خطاه عمره ما يضل ولا يتعب ولا تذل قدماه

محب ألصق من اللأخ يحمينا من الوقوع في الفخ طول ماهو معانا طريقنا نور كل المشوار فرح وسرور

كل إنسان بده يهتم بيقدم له خلاص بالدم وطوبي للي ياخد الكاس حالًا يرفع عنه القصاص