مد إيديك علي البحر يا موسى
القرار
مِدّ إيديك ع البَحر يا مُوسَى
أنا أمرت وسَيَكون
(مَرَّة أخيرة وبعدها لن
تَرُوا تاني جُيُوش فَرعُون)2
الأبيات
البيت 1
مِدّ إيديك ع البحر وشُقُّه
يَدِّي معَ الإيمان
(تِكسَر رؤوس التَّنَانين
وِتِسحَق لَوياثان)2
البيت 2
مِدّ إيديك بعصا الصَّليب
وِاضرَب ع المياه
(تُحصُد نُصرَة وتُحصُد أرض
والعدو يُحصُد آه)2
البيت 3
مِدّ إيديك ع البحر أنا جاعِل
لَك في البحر طريق
(واصمُت لِأنِّي راح اقاتِل
عنَّك وقت الضِّيق)2
البيت 4
مِدّ إيديك أنا مادِد يَدِّي
ع الأمواج وَيَّاك
(يُعبُر شعبي وأَعلِن مجدي
لعدُوي اللِّي عاداك)2
البيت 5
مِدّ إيديك صرخِتَك الصَّامتة
هَزِّت السَّمٰوات
(هاعبُر بيك وهاسَمَّع شعبَك
من أعاديك صرَخَات)2
البيت 6
مِدّ إيديك أصدرت أوامري
للبحر وها يطِيع
(والعدو مِتغَرّ وما يدرِي إنُّه
أمر جِيشُه يضيع)2
البيت 7
مِّد إيديك أعداءك مَدُّوا
وفَكَّرُوا إنِّي بعِيد
(والسَّما وجيوشها استعدوا
بفقرات التَّمجيد)2
البيت 8
مِدّ إيديك من تاني وقول له
يعُود بحر ولُه مُوج
(العدو فكَّر إنّ دُخُولُه
بحوري دي منها خُرُوج)2
البيت 9
مِدّ إيديك للشَّعب يسبِّح
وآدي مريم بدُفوف
(قول: «الرب اتمجِّد» وِافرح
خلِّي الأرض تشُوف)2
البيت 10
مِدّ إيديك ليشوع واتشفَّع
لِسَّه حُرُوب وحُرُوب
(إلى أن آتي بنفسي وأرفَع
لِلرَّاحه الشُّعوب)2
البيت 11
(مدوا إيديكوا لمنّْ سمايا
وارتووا من صخر الدهور
تشبعوا من حضرتي وحمايا
إلى دهر الدهور)2