لو عودي اتعلق
القرار
أنا مش هستسلم يوم لليأس
وعينيك شايفاني جبار بأس
من نصرة لنصرة أنا بتقدم
رافض ألامات وجراح الأمس
الأبيات
البيت 1
لو عودي اتعلق على الصفصاف
لو نشفت أرضي ملاها جفاف
أنا عندي أمل فيك يا إلهي
تعويضك جاي أكيد أضعاف
البيت 2
يمكن مرات بضعف واخور
وايديك تسند بشعاع من نور
لما بروحك تيجي تعيني
بتعالج ضعفي وتشفي كسور
البيت 3
مش هافضل باصص على ضعفي
علشان عارفك أنت في صفي
منقوش على كفك يا راعيا
دي وعود إلهية وبتكفي