كلمات ترنيمة : قادر أشوف حضنك
قادر أشوف حضنك مخبينى فى ضعفى وكل خوف
قادر أشوف قلبى الصغير وانت شايله على الكفوف
الموج يثور وألقى الصخور قدام سفينتى وعمرى مليان بالكسور
أنده عليك تبنى الجسور وتنجى نفسى وأطير معاك زى النسور
قلبى اللى حبك فرحته تضمه وتزيل رعشته
وايديك بتمسح دمعته ما انت العطوف
باشتاق لنور وألقى الشرور غطت نهارى وعينى مليانة قشور
أنده عليك ألمح ظهور شمسك فى دارى وتملا أيامى سرور
تمسح شرورى وصفحتى بتبقى بيضا و سكتى
مليانة ضى ساعدتنى فى كل الظروف
كلمات: مجهولاللغة: العربية