للصلوات استجابات
القرار
اصبرله يا مؤمن واتشدد
هايجوبك وده بالتأكيد
(ولما تخور امسك واتسند
علي اغلي واروع مواعيد)2
الأبيات
البيت 1
للصلوات استجابات
لكن لالهنا الاوقات
مش بتضيع اصله سميع
حتي ولو عدت سنوات
البيت 2
بس الشرط ان اللي يجيله
وبيطلب يطلب بايمان
ان اللي وعد هو القادر
يوفي بوعده مهما ان كان
البيت 3
مرات هايجوبك وبحاضر
راح اعمل كل اللي لخيرك
مرات تانية بحكمة يأجل
او يرفض وده بردوا لخيرك
البيت 4
اتصبر بالنعمة وكمل
خلي عينيك علي حب الهك
وافتكر انه اللي بيحبك
رتبلك خطوات ترحالك