كل سنة وانت محاصرها
القرار
(كل سنة وانت محاصرها
بتعدينا ونوصل اخرها)2
(ماهي رحلة وياك بتحلي)2
(وانت ماضيها وانت حاضرها)2
الأبيات
البيت 1
الشكر عنوان كل كلامنا
الشكر يبقي دليل عرفانا
ان السنة دي وكل أيامنا
كنت انت فيها سلامها وخيرها
البيت 2
دا كل يوم يكتب شهادة
عن الحماية وعن السيادة
فايض علينا وخيرك زيادة
وإحساناتك سايبة عبيرها
البيت 3
ما احلي الحياة لما بنقضيها
هدفنا نرضيك ولا نرضيها
سنين في عمرنا بنعديها
وانت اللي ضامن لينا مصيرها