قولي يا بابا كيرلس مالك
القرار
(قولي يا بابا كيرلس مالك
شايفك ليه في الصورة حزين
قولي يا بابا علي في بالك
قولي يا بابا حزين علي مين)2
الأبيات
البيت 1
(حاسه انك بتبكي عليا
علي الخطية الي اخدتني
شهوة قلبي وحالتي ديه
ونفسي الي كتير خدعتني)2
البيت 2
(حاسه اني بكيت عيونك
ودموعك نازلة علشاني
اصل مكنتش عند ظنونك
سيبت نفسي لعالم فاني)2
البيت 3
(حاسه اني قدام صورتك
مكسوفة منك مش من نفسي
كل يا بابا مابقرا في سيرتك
بحس براحة بتلمسني)2
البيت 4
(حاسه اني سبب احزانك
بترجاك يا بابا ساعدني
خدني لفرحك ولأحضانك
خدني من عالم واخدني)2