قابل بكل الرضا - ترنيمة | تطبيق الكنيسة

القرار

عظمة حياتي كلها في اختيار التعلق ب إلهي العظيم أرفع إيديَّ إليه وأختار أفعالي على نغمة: «عظيم»!!

قابل بكل الرضا دنيتي وده هو اختياري ودي حريتي وأي شيء مش بيدي فيها اتوجد هَ اخطيه أو أحتويه في خطتي!

حريتي لا ف مكان ولا زمن ولا هي من حد كان أو ظروف هي رحبي وجناحي ناحية وطن إن حررتها بعبوري كَ ضيف!

غيرت اللي قدرت اغيّرُه وقبلت اللي استعصى فَ مَرّ! وف وش اللي ما في يدي أمَرَّرُه ! إخترت مُرّ الهدوء لأني (حُرّ)!!

من رحم المعاناة بَ انطلق أيوه أنا وليد العقبات!! وياما الجراح فيَّ شقت طرق انطلقت فيها من خنقة الذات