فيك هاتحدي الخوف والليل
القرار
فيك هاتحدى الخوف والليل
مهما المشوار يبقى طويل
دى القوة فشخصك يالهى
مش فى السهم ولا فى الخيل
الأبيات
البيت 1
بيجى الوقت وخوفى يزيد
من كتر ماصراعى شديد
لكن حب الهى يشجع
كلمته تبقى سلاح ف الايد
البيت 2
اتعلمت ان على الصخرة
هبنى أساسي بيومى وبكره
هتافى فى وش عدوى هايعلى
أناشيد فرحه وعزة ونصره
البيت 3
وعدك انت تحامى عنى
وقت ماعدوى يهاجمني
هاخضع ليك وباسمك اقاوم
مهما تكون الحرب هاغنى