فوق القباب

رتلوا يا صبايا وقابلوها قيدو الشموع وزفوها هاتوا الزهور و رشوها وبنعمه ربنا هنوها دى الست العذراء الجوهرة

يا عذراء نورك دا هدانا من المهالك نجانا ثبت ايماننا وقوانا خليكى دايما و يانا يا ست يا عدرا يا جوهرة

ست العذراء واقفه معانا بنورها الساطع سمعانا واقفة بتشفى مرضانا وقلوبنا كلها فرحانة يا ست يا عدرا يا جوهرة

يا رب من الشر انقذنا اغسل قلوبنا وسامحنا طالبين معونتك تنقذنا بشفاعة أم مخلصنا يا ست يا عدرا يا جوهرة

سايبين ديارنا وبيوتنا جايين نزورك بقلوبنا اشفعى وشوفى دموعنا من الخطايا اشفى قلوبنا يا ست يا عدرا يا جوهرة