فرحان بيك
القرار
ياللي مراحمك دى أبدية
شايلانى بعطف وحنية
وانا ماسواش أبدا وباقولك
نعمتك دى يا رب غنيةالأعمى بيشوف النور
والمزدرى م الناس مقبول
والخاطى لما بيتألم
ترفعه بإيدك على طول
الأبيات
البيت 1
(فرحان بيك وانا ماشى معاك
فى طريقك أنا بستناك
ولو انت اديتنى الحريه
انا بختار افضل وياك)2
البيت 2
(وقت الخطر انت معلمنى
أفضل ثابت فيك مع إنى
لما باشوف الموجه بتعلى
روحى ياربى بتهرب منى)2
البيت 3
(كل ما اشوف صورتى المكسورة
وعيوبى جوايا محفوره
ألاقيك بتجمل وبترسم
بتشكلنى فى أجمل صورة)2
البيت 4
(فى الضيقة وجدتلى المخرج
ووعدتنى م الحزن راح اخرج
دى مراحمك قويه ياربى
الصعب ده قدامها بيفرج)2