عمرك مش مضمون
القرار
قول له ارحمني كفايه بعاد
سلم كل حياتك ليه
ليه تفضل عايش في عناد
دا العمر المضمون في إيديه
الأبيات
البيت 1
عمرك مش مضمون في إيديك
وفي لحظات الناس بتموت
صوت الرب ينادي عليك
وكل مره الفرصه تفوت
البيت 2
ليه تندم على عمر ثمين
ندمك مش ها يكون له حدود
تصرخ في الأبديه لمين
فرصه وضاعت مش ها تعود
البيت 3
إيه في العالم غير الضيق
ليه رافض تسمع للصوت
أعظم أخ وأوفى صديق
مش ها يفيدك بعد الموت