عصفورك غرد في الغابة

تغنيني أسبح لك وأشكر في الفقر أتعبّد وأتذكر إن السبب الأكبر عندي في عبادتي هو إنك بابا

في الدمع بَ اشوفك ليّ أقرّب وكأن دموعي دي عدسات ترميني في أحضانك يهرب حزني ف أول مااصرخ بابا

في شفائي باقول إنك تقدر وف مرضي بَ أغرد لك أكتر مش فاهم ليه ومش عايز افهم يكفيني أفهم إنك بابا

بَ ارتاح لمَّا ب ترتاح فيَّ واتعب لمَّا بَ اخاف علىَّ راحتي في راحتك شيء خلاني أهجر نفسي لحضنك بابا

بوعودك متعزي كأني ماسك في الوعد استجابات فرحي بوعدك ساوى إجابتك أصل إيماني ف كلمة بابا

الناس شايفة الناس م الخارج اما الداخل مكشوف عندك الخارج يفنى وأنا اتبارك جوه ف روحي بروحك بابا

المنظور بيقول دي رحاية والإيمان بيقول يا عزايا بكره مروَّح بلدي وبيتي وهَأسكن مع يسوعي في بابا