عابرين دايسين كل الصعوبات

(عابرين دايسين كُلّ الصُّعوبات أفراحنا بتِعلن نصر أكيد ووُعود مليانه بحُرِّيَّات سُلطان بيخَلِّي القلب سعيد)2

(عابرين شايلين في القلب هُتاف وِرَايات مرفوعَه لربّ عظيم وقُلوب فرحانَه وما بِتخَاف بِتمَجِّد غافِر قلب أثيم)2

(عابرين عايشين أحرار وَيَّاك خطاوينا بتِشهد لِيك بإيمان بقُلوب تِشتاق تِتمَنَّى لُقاك عابرين ومعاك لِينا السُّلطان)2

(عابرين تاركين لِيك أتعابنا أحمالنا ف إيدك ها تشِيلها تِرفعنا من بِين ضَعَفَاتنا نُصرِتنا ويَّاك ضامنِينها)2