شايفك ربي وسط ظروفي
القرار
ثقتي في انك جوه المشهد
حتى ان عيني مش شايفاك
هافضل اسبح اسمك واشهد
إنك حي ومالي سماك
الأبيات
البيت 1
شايفك ربي وسط ظروفي
شايفك واضح في الأحداث
مهما الواقع زاد من خوفي
واضع ايدي على المحراث
البيت 2
شايفك وانت رحيم تتانى
ع اللى بيظلم واللى يجور
في الوقت اللي كتير اتمنى
تيجي قوام تغضب وتثور
البيت 3
شايفك ليك حكمة وتدبير
وسط القفر بتصنع نهرك
مهما العدو كان خططه كتير
ولا شئ حاصل من ورا ضهرك