روحي مطفيه
القرار
بدور عاللي باقي مني
وراح وسط خناق وزحام
ناديت ولا حد كان جنبي
تعبت كتير من الاياميا رب انت اكيد حاسس
وعارف كل شئ فيا
انا مصدوم انا خايف
رجع تانى الحياه ليا
الأبيات
البيت 1
في حاجه في روحي مطفيه
ومش حاسس باي شعور
ولا زعلان ولا فرحان
ولا مجبور ولا مكسور
البيت 2
بعيش مع نفسي ولوحدي
ومش حابب وجود الناس
تعبت انا منهم اسمعني
انا استكفيت بجد خلاص
البيت 3
بعدت كتير كمان عنك
نسيت وحدى و مسمعتش
لصوتك او كلام منك
وكنت اسمع ومبردش
البيت 4
بقى العالم مكان ضلمه
ومش حاسس باى امان
انا اسف انا جايلك
يارب بجد انا تعبان