حقا نؤمن ونعترف ونمجد العجيب

في البدء كان الكلمة والكلمة كان عند الله وكان الكلمة هو الله وصار جسدا ليعلينا

إبن الله بالحقيقة صار إبنا للإنسان علشان نبقى أولاد لله والله يبقى أب لينا

ماقدرناش نيجي عندك جيت انت بحبك لينا ولما عجزنا ندور فين؟ دورت بحبك علينا

ولما فسدت طبيعتنا واحتاجنا لمجد الله جيت في الصورة البشرية علشان تدي مجدك لينا

ولما شفت عنينا ما تقدر على نور اللاهوت حجبت النور بالتجسد فانكشف على قد عنينا

كنا عبيد نستنى الأجرة صرنا فيه ورثة كأبناء علشان هو الوارث وحده واحنا فيه والورث لينا

صرنا عبيد بالسقوط واتجسد علشان يموت ويحررنا م العبودية ونقول:بابا والابن فينا

مع إنك الابن الوحيد أخليت ذاتك بالتجسد علشان تجمع الأبناء للآب وانت وحيده فينا

شاركنا في البشرية علشان يجمَّعنا ليه متحدين في الكنيسة جسده وهو الرأس لينا

إتولد حسب الجسد وجوهره أزلي أبدي علشان نتولد بالروح وينزع عنا اللي مش لينا

أعطانا هذا الإيمان نصبح أبناء بالسلطان بقبولنا سر التجسد ولما طلبناه يسكن فينا

جيت من فوق للبشرية علشان نتولد من فوق وناخد الولادة التانية بالروح لما تولَد فينا

الابن الأزلي بالطبيعة أخذ ميلاد غير طبيعته علشان نقبل فيه ميلاد غير طبيعتنا يا بختينا

لما الموت دخل إلينا جه في صورة جسد الموت وابطل الموت في الجسد واحيانا بموته لأجلنا

خدت جسم آدم ال قابل للموت وخليته مصدر الحياة للموتى وقمت به وصعدت بينا

ماقللشي من طبيعتك التجسدحاشا ليك لكن علىَّ من طبيعتنا دي النعمة وده حبك لينا