جوايا شوق احني قلبي
القرار
انا بعترف لك بالجميل والصبر والبال الطويل ياامي ما لقيتلك مثيل زييك مفيش
ليكي التحيه والسلام وانحنيلك بااحترام لو قلتلك كل الكلام ميكفكيش
الأبيات
البيت 1
جوايا شوق احني قلبي والجبين وابوس ايديكي الطيبين اللي حمتني بالسنين من كل سوء
حتي العروق بتسري فيها محبتك ياللي المحبه صنعتك انا كل يوم حنيتك منها بدوق
البيت 2
حضنك دفاء ومرسي ليا في محنتي مليان حنان من ناحيتي بلاقي جواه فرحتي وكل الكفا
حب ووفاء كل الكنوز متعوضوش علم في قلبي وماانساهوش لما الضيقات مبيرحموش بيكون شفاء