جاي بروح الطاعة
القرار
جاي بروح الطاعه اتقدم
وفي طاعتي شيء للبرهان
إني اليوم جاي لك وباسلم
أنا مش هارجع زي زمان
الأبيات
البيت 1
ياما سنين عدت مني
باهرب وما ليش أي مكان
فاكر إني في يوم هاوصل
وانا تايه بين الأحزان
البيت 2
ياما حاولت استر نفسي
واتغطى من ورق التين
لكن لما الريح هبت
ما عرفتش أتخبى في مين
البيت 3
واليوم أنا فكرت ارجع
لإلهي صاحب السلطان
اللي كاشفني وعارف اني
أنا مش أكتر من إنسان