بدخل عمق جديد

(بادخل عُمق جديد ف حياتي أمجادك دي يوم ورا يوم)2 وحُضورك يسبيني يوماتي عايز أسهر وأفوق م النوم

(أنا شايل حقَّك جوايا ماشي فاهم أنا مع مين)2 نور إعلانك ليَّ مرايا هتبيِّن أنا منَّك فين

(وأنا ماشي في حاجات بارميها هتعطَّل المجد معاك)2 عايز أرضيك مش عايز أرضِيها راح أكمِّل وهدفي رضاك

(وأنا باخدم في ظُلم عليَّ تعيير ومعاه ضرب لسان)2 بتطبطب وتشجَّع فيَّ تحضُنِّي وبقُبلة كمان

(خيرك دا مغطِّيني وزايد ولا بقلق وأعول الهمّ)2 بلقَى المَنْ المُخْفَى دا فايض بيك راح أجاهد حتى الدم

(خلِّي المسحة تكون عنواني رجليَّ مغموسة ف زيت)2 كلماتي مليانة معاني بتبيِّن أنا ابن البيت