اوبريت متعودين
القرار
فرحانه ...قلوبنا بيكي فرحانه...كنايسنا اهي سهرانه....طايرين باتغام التسبيح وانتي معانا
ومين...مين ذيك انتي مين....ياشفيعة المؤمنين عمرك يا عدرا ماسيبتينا ودايما ساندانا
الأبيات
البيت 1
متعودين زي الميعاد ده في كل عام نمدح فضايلك يا عدرا نهديكي السلام وصوت دفوفنا تعلى وتهز الجبال طوباكي شيري ني ماريام
البيت 2
عاشق يامريم اسمك انتي لما يتقال وقلبي يهتف مالفرح ويبقى فحال ميتوصفشي وحنين وشوق شاددني ليكي اسمك على الخاطر والبال
البيت 3
يحكي التاريخ لما نورتي الزيتون وفشبرا وفاسيوط شافوكي بالعيون ظهرتي لينا وعزيتينا فالوراق فرحتي كل حزين مهموم
البيت 4
قاللوا الاباء انتي المناره والتابوت نسمة حياه بعد اما كنا في حكم موت حمامه حسنه وبركه لينا في ارضنا شفيعه لينا في الملكوت