انا مسيحي والصليب تاج

(يسوع بكلمه منه تسكت كل البحور وبكيرياليسون عند الجبل قام الجبل مذعور)2 ارفع راسك دانت ابن الله وقولها بكل فخر أنا

(ملك الملوك واسمه الجبار ف القتال يهرب أعدائه منه والحق فيه يتقال)2 دا دايمًا ناصرني وعشانه هقولها بكل فخر أنا

(الكون يخضع لإسمه ما هو رب الناس وأي كتاب ف كل زمان يشهدله بالإعجاز)2 ده علَّى قيمتي وخلاَّني اقولها بكل فخر أنا

(إبليس عايزك تنسى إن إلهك معين يقدر ف الشده يعزي ويعين المظلومين)2 لكن عندًا فيه راح أرنم واقولها بكل فخر أنا

(كنيسه جديده لأسمك ترفعلك تسبيحات والمجد يبقى لشخصك في كل الترنيمات)2 ترنيمه جديده وعاملينها هانقولها بكل فخر أنا