انا مستنيك
القرار
وعدك ده طوق نجاة
وكلامك فيه الحياة
لو حتى ما فيش شيء اتغيَّر
(أنا هافضل أستنَّاك)2
الأبيات
البيت 1
أنا مستنيك تمد ايديك في ظروفي
تشيل اليأس وتقتل جوايا خوفي
تبدِّل حُزني بالضحكة وبالفرحة
وشُكري يبان في كلماتي وفي حروفي
البيت 2
أنا مستنيك تمد ايديك تمشيني
فوق الألامات فوق الأزمات تعديني
ومن قلبي ناوي أعيشلك وأنا مسلِّم
ونوري في يومي واللي هايجي في سنيني
البيت 3
أنا مستنيك تشجَّع قلبي تدفيني
برصيد الحب اللي في قلبك وده يكفيني
وفي يوم الشر في وقت الضيق أنا هاجيلك
ها تسمعني وترفعني وتحميني