اللي دسنا الموت وياه
القرار
(اللي دُسنا الموت وياه
اللي عطانا الغلبة معاه)2
دا قام وأقامنا معاه
ومجيئه بنستناه
(يافرحة قلوبنا بيه)2
الأبيات
البيت 1
(قول يا موت أشواكك فين
قولي يا هاوية غلبتي مين)2
(دا اللي غلبكم بيه غالبين
مهما يحصل وعده أمين)2
البيت 2
(دا الحبيب الغالي نجانا
من حنانه فضل ويانا)2
(وفي موكب نصرته ماشيين
بنرنم ونقول غالبين)2
البيت 3
(ليه يا مؤمن دايمًا باكي
ليه يا كنيسة طبعك شاكي)2
(دا اللي فداكي بروحه معاكي
دوسي بعز يسوع دا حماكي)2
البيت 4
(وفي سحابه نكون طايرين
ها يغيرنا في طرفة عين)2
(دا اللي أقامنا معاه رايحين
قوللي يا خاطي رايح على فين)2