كلمات ترنيمة : إزاي أسيب ايدك
إزاي أسيب إيدك وأمسك في إيد إبليس
إزاي أسيب بيتك وأبيع له قلبي رخيص
حاولت لكن ماقدرتش أخلص من قيد إبليس
وكل ما أحاول تاني جوة الخطية أغوص
جهادي ماكنش بقلبي جهادي قدام الناس
صلاتي كلها كانت صلاة من غير إحساس
ولحد امتى هافضل أنا عايش في الخطية
ولامتى هافضل شايف دموع حزنك علي
أنا لازم أطهر قلبي من أوحال الخطية
أنا لازم أطهر نفسي م الشر الساكن في
هابتدي من جديد معاك حياة نقية
مليانة رجاء ومحبة وصلاة م القلب قوية
أبدا ما هاسيب إيدك ولا هامسك إيد إبليس
أبدا ما هاسيب بيتك ولا أبيع له قلبي رخيص
كلمات: مجهولاللغة: العربية