اسمك غالي
الأبيات
البيت 1
يا اللي اسمك غالي عليا
وكلامك نور لي عينيا
ايدك سنداني وانا ماشي
حمياني وانا في البريه
البيت 2
اسمك شال من جوه الخوف
اسمك ريح قلبي وفكري
لما بكون عاجز مكتوف
بلقى في اسمك فرحي ونصري
البيت 3
من ايه ارهب ولا اخاف
وانت حبيبي ماسك بايديا
وانت شايلني على الاكتاف
وبتديني غلبه قويه
البيت 4
حبك حير كل عقول
حبك حررني من اسري
هفضل اغني لك على طول
رغم ضغوطي وانطال يوم كسري