احنا بنادي يا عدرا

انا من يوم موعيت ع الدنيا وانا بنادي ي عدرا وانتي وسط الصعب تيجي تبقي موجوده وحاضره انا مهما اتكلم عنك ولا هوفي طول عمري حقك انا عشان اعد جمايلك محتاج ل الف محاضره

لما داقت بيا الدنيا واتقفلت ف وشي الببان ملقتش غيرك معين ياريتني جيتلك من زمان كل ظهور ليكي ف حياتنا بيفرح علطول نفوسنا ونحس بيكي تشاركينا وتخففي عنا الاحزان

دايما تجبري بخاطرنا بركاتك ف حياتنا كتيره نتشفع بيكي وشفعاتك في كل صغيره وكبيره بنزورك ونولع شمعه وتهوني علينا ياما ترجعينا بابتساامه مهما كان ف قلوبنا حيره

انا لو ليا اي طلبه اجي ل عندك واسألك وقبل مأسأل سؤالي اكيد سؤالي بيوصلك بتجاوبيبني بكل صرااحه وبمشي جواايا راحه انتي حنينه يا عدرا اللي ميعرفكيش يجهلك

الي تبقي العدرا امه صعب يبقي ف يوم حزين قوام بينسي كل همه دي شفيعه للمؤمنين وانا جتلك انهارده بعد م تعبت مناهده رافع ايدي بطلبه واحد اشفعي عنا آمين

انا كام مره الجئ ليكي مفيش مره ظني خاب كل عقده وتحليها مهما كانت الاسباب وانا مندمش اني اشكيلك وآخد وادي معاكي كمان ايه يمنعني مدام سمعاني بلاقيكي اقرب م الاحباب

وانا لو جيتلك وريقي ناشف انتي ي عدرا بتبلي ريقي شفاعتك لما بطلبها بتكون ويايا ف طريقي لا يصلح الا الصحيح انتي ي عدرا ام المسيح حبك لينا بدون مقابل حبك لينا حب حقيقي

الوحيده اللي ولدت وفضلت عدرا وبتول انتي ي مريم ي طاهره معجزه فوق العقول من يوم ميلادك ل صعودك انتي بجد اروع مثال والي ميصدقش براحته خلي بقي اللي يقول يقول

ي اللي حزنتي حزن م قده لما شفتي ابنك مصلوب وانتي اللي كنتي امبارح بتشوفيه بيلف دروب بيوعظ الناس ويعلم والناس بتناديه ي معلم وف كل مره يرجعلك وهو رابح القلوب

مها هحاول اوصف فيكي اوصف ايه انا ولا ايه الطيبه الي جوا عنيكي واللي محتاج عطف يلاقيه ام حقيقي بمعني الكلمه وتبان ف صورتك النعمه ع العرش متوجه ي ملكه ام الله انتي حملتيه

نورتي بلادنا ي عدرا لما جيتي ارض مصر ع اسمك ف كتير كنايس ملهاش ولا عدد ولا حصر كل خطوه خطتيها اي حته مشيتي فيها ناخد بركه ي عدرا منها كل وقت واي عصر