إلا ولادك

النَّاس دِي عايشَه حياتها ف مرارَة ف أيَّام حزينه ما لْهَاش ملامِح كُلُّه بيِشكي مَا فْهَاش أمان فيها الِّلي جَاي زَيّ الِّلي رايِح

وِلْسَان بِيحكِي عَ الضِّيقَة دَايمًا ونفُوس حزينَة عمَّالَة تِشكِي دِي العِين بَصِيرَة والإيد قَصِيرَة وِمِين لِحَالُه يقدَر يوَفِّي

وِنْفُوس حَيَارَى مِش عايزَه تِرسِي وَلا قادرَه تِدِّي لِلرَّبّ لحظَة وبُكرَه يِمكِن مَا يْجِيش علِيها وِهِيَّ رَاسْمَه خِطَّة لِبُكرَه