مغارة سهرانة
القرار
الرعاة سهرانة
بتغنِّي وفرحانة
ملك الملوك جانا
نوَّر أرضنا
يا ملايكة السما
رنِّموا معانا
يسوع جِه م السما
عشان بيحبِّنا
الأبيات
البيت 1
في المذود كان ليك حكاية
يا رب الوجود
في الشتا ووسط البرد
كُنت هناك موجود
ع القش اخترت تبات
تتولد وسط الحيوانات
في مغارة سهرانة
تستقبل المولود
البيت 2
الملاك ظهر للعدرا
في يوم من الأيَّام
بميلاد رب الكون بشَّرها
واتحقق الكلام
ورا نجم مجوس ماشيين
على نوره للمذود رايحين
ولمَّا وصلوا المذود
سجدوا لملك السلام