شلت عينيَّ من ع الناس

شلت عينيَّ من ع الناس عينيَّ خلاص حاططها عليك انت لوحدك بالنسبالي حب الدنيا وهشبع بيه

انت حبيب بألف حبيب بموت وصليب انت يسوع انت اللي بسببه بقيت غالي وانت الفارق ف الموضوع

أنا جربت أدخل أحضان بترحب بيَّ في أفراحي وبترفضني في عز جراحي جربت الحب اللي بيخلص والحب أبو طلبات وشروط

جربت ومالقيتش مكان يقبلني بضعفي وبعيوبي ويسعني بغلطي وبذنوبي صبر الناس كان دايمًا ينقص ويقل لغاية ما يموت

شلت عينيَّ من ع الناس علشان الناس حبال بتدوب وحطان بتميل باللي عليها وعينين واقفة تنقي عيوب

وانت عينيك ماجرحتنيش مارفضتنيش وانا غلطان عندك رحمه أنا متشاف بيها أستاهل ستر وغفران

شكرًا علشان مارميتنيش وعينيك الحلوين يا حبيبي ياما قبلوني وأنا على عيبي بتساب من الناس بتغليني وبتمسكني ومش بتسيب

حبك كافي لقلبي يعيش لو حتى ماحدش في حياتي انت القيمة اللي في حكاياتي وأقولك تاني انت في عيني كل الناس وبألف حبيب