جناح مكسور
القرار
دايما بنجيلك حتي إن كان بجناح مكسور
ونلاقي ف حضنك بس يارب فيه طاقة نوربتغير وضعنا ل الاجمل
ف الضعف القوه معاك تكمل
ولا عمر قصادنا يقف ولا بحر ف يوم ولا سور
الأبيات
البيت 1
وما بين ايام صعبه علينا
اوي وتقيله
بقي يوم عن يوم عمال بيزيد
حمل الشيله
البيت 2
وما بين احداث تحصل كده فجاه
تخوفنا
ومابين ايام وسط المجهول
وبتحدفنا
البيت 3
وما بين ياما ناس ومعارف
ف الوقعه سابونا
وحبايب ياما سندنا عليهم
خذلونا
البيت 4
وما بين لغبطه ومشاكل
اوقات تحاوطنا
لحظات الشك اللي بتقلب
كل حياتنا